Москва, 27 мај 2017 (МИА) - Рускиот претседател Владимир Путин денеска оствари телефонски разговор со иранскиот колега Хасан Рохани. Двајцата лидери ја подвлекле неопходноста од повеќе заеднички напори за решавање на сириската криза и ги разгледале економските односи, пренесоа британските медиуми, повикувајќи се на соопштение на Кремљ.
Путин, освен тоа, му честитал на Рохани за неговиот неодамнешен реизбор на функцијата претседател на Иран.
Кремљ прецизира дека економските прашања што биле дискутирани меѓу лидерите вклучувале заеднички проекти во нафтениот и гасниот сектор, како и нуклеарните проекти за мировни цели.