Повеќе од 700 станови во станбени облакодери во Лондон и нивните жители, се евакуирани, поради стравувањето дека тие се небезбедни од пожар.
Евакуацијата е извршена доцна синоќа и денеска рано изутрина во североозападен Лондон, во општината Камден, чие раководство соопшти дека четири станбени блокови и повеќекатници „мора веднаш да се испразнат, за итно санирање“ за да бидат безбедни од пожар.
Иселените станари се сместуваат во хотели, на трошок на општината, но стотина ноќта мораа да поминат спиејќи на пумпани душеци во околните центри за одмор и рекреација.
Истрагата што била спроведена во станбените блокови покажала дека излоционите материјали и вградената опрема за фасадите била истоветна со станбената куќа „Гренфел Тауер“ во која од катастрофалниот пожар, загинаа 79 лица.
Општинските власти потврдија дека станбените кули во Камден биле обновувани и реконструирани од истата градежна фирма која работела и на „разубавувањето“ на „пеколаната кула“ која пред десетина денови целосно изгоре.
Британската влада нареди јавна истрага за катастрофата, но и наложи итна проверка на бзбедноста од пожар на станбените кули низ Британија.
Во 600 повеќекатници се откриени пропусти и тие се означени како небезебедни и како закана за нивните станари.