Москва, 27 јуни 2017 (МИА) – Сталин, Путин и Пушкин се трите најславни личности во светската историја, тврдат руски граѓани во анкета на независната агенција Левада.
За 38 отсто Руси најважен е Сталин и покрај тоа што во тиранското владеење „на душа“ му се 20 милиони луѓе.
Со 34 отсто гласови на второ место се актуелниот претседател Владимир Путин и поетот Александар Пушкин.
Зад нив се Ленин, Петар Велики, Јуриј Гагарин, Лав Толстој...
Првиот странец, Наполеон е на 14 место, а тука е и физичарот Алберт Ајнштајн кој е 16-ти и Исак Њутн на 19 место.