Лондон, 19 јули 2017 (МИА) - Големо невреме, проследено со обилни врнежи од дожд и со град, опустошија едно село во англиската област Корнвол, на крајниот југозапад од Британија.
Надојдените води го „збришале“ центарот на селото Коверак, во овој дел од Англија, која важи за популарен туристички локалитет, поплавувајќи ги улиците и патиштата, додека крупниот град, во големина на монета од половина фунта, ги испокршил стаклата на прозорците на куќите и малите хотели.
Интервенирале спасувачките екипи на британската крајбрежна стража кои со хеликоптери ги извлекувале луѓето од покривите на нивните куќи. За неколку семејства се јавува дека останале заробени во своите домови.
Општинските власти прогласиле вонредна состојба и побарале помош од сосдените општини, но засега не се јавува за повредени или за загинати лица.
Луѓето подоцна им изјавиле на спасувачите дека невремето траело околу 1,5 час, по што наеднаш врз селото од околните ридови се спуштила голема вода, која носела се пред себе.
Лондонските медиуми јавуваат дека силно невреме ја погодило и соседната област Девон.