Франција сака светските сили да влезат во контакт групата за СиријаПариз, 19 јули 2017 (МИА) - Франција сака светските сили, кои се вовлечени во сириската криза да се приклучат кон контакт групата, која ќе упати предлог кон завојуваните страни во обид да се излезе од слепата улица во преговорите, изјави францускиот министер за надворешни работи Жан Ин ле Дриан, во интервју за вебстраницата cnews.fr. Изборната победа на Емануел Макрон му даде можност на Париз да ја преразгледа политиката за Сирија. Се предлага да биде отфрлен условот за повлекување на Башар ал Асад како претседател на Сирија за да се водат преговорите. Сепак француската страна не предвидува тој да остане долго на таа функција. Сега Франција сака доближување на позицијата со американската, во која приоритет е борбата против тероризмот и стремежот кон подобри односи со Русија. Така Франција може да преземе контрола на посредник меѓу двете големи сили. Во интервјуто Ле Дриан не прецизира какви нови предлози може да бидат направени кон фракциите во Сирија или каков да биде составот на контакт групата, ниту кажува како сето тоа ќе се одрази на обидите за постигнугвање мир под покровителство на ОН, кои неколку години не бележат видлив напредок.
|