„Билд“: Германија го стопира извозот на оружје за Турција

Берлин, 21 јули 2017 (МИА) - Петер Алтамјер денеска ниту ги потврди ниту ги негираше наводите на германскиот дневен весник „Билд“ кој објави дека Германија го запре целиот извоз на оружје за Турција.
Алтамјер, советник на германската канцеларка Ангела Меркел, посочи дека Берлин ќе разгледа дали е неопходно да се преземат понатамошни мерки за тоа прашање.
Германскиот министер за финансии Волфганг Шојбле истакна оти турските власти произволно апсат и не ги почитуваат ниту минимум конзулартните стандарди, со што Турција наликува на поранешна Источна Германија.
- Ако Турција не престане да ја игра ова мала игра, мораме да им кажеме на граѓаните дека патуваат во Турција на сопстѕвен ризик и дека ние не можеме ништо да им гарантираме, посочи Шојбле за германскиот дневен весник „Билд“.
Според анкетата на германскиот магазин „Фокус“ мнозинството Германци (77 проценти) поддржуваат прекин на преговорите за члченство на Турција во Европска унија, додека само 16 отсто изјавиле дека треба да продолжат преговорите.