Британските потрошувачи гневни поради намалена грамажа на слатките по истата цена од претходноЛондон, 25 јули 2017 (МИА) – Намалувањето на грамажата на прeхранбени производи во Велика Британија најмногу ги погоди љубителите на чоколади и други слатки. Намалената грамажа особено ги погоди љубителите на чоколади Тоблероне, Марс и чоколадните бомбони Малтезерс. Повеќе од 2.500 артикли за домаќинство денес се со помало пакување отколку во 2012 година, но со иста цена како и претходно, објави Националната канцеларија за статистика. Влијанието на официјално измерената инфлација во Британија забележлива е кај шеќерот, џемовите, овошните сирупи, чоколадите и кондиторските производи при што слатките придонеле за раст на стапката на инфлација за 1,22 отсто од 2012 година. Британската статистика објави извештај за трендови во прехранбената индустрија и меѓу другите производители дека на потрошувачите им нудат помалку, но за иста цена како одговор на се повисоките трошоци за суровини.
|