САД гради оперативен центар во украинската база во Очаково

Вашингтон, 11 август 2017 (МИА) - Американската војска почна со изградба на оперативен центар на Воената морнарица во украинската поморска база во Очаково, објави американската Воена морнарица на својот сајт.
Церемонијата на поставување камен темелник се одржала на 25 јули, а американските инженериски единици од април се наоѓале во Очаково, каде се занимаваат со подготвителни работи - потпишуваат договори, добиваат одобренија, решаваат логистички прашања, пренесе денеска Спутник.
Командниот центар на Воената морнарица е еден од трите проекти што САД ги планираат во Очаково, а се претпоставува дека тој ќе игра важна улога во текот на идните воени вежби во Украина.
Двата други проекти се однесуваат на простории за одржување на бродовите и влез во базата.