Уапсен осомничен за нападот врз француски војници во парискиот регион

Париз, 17 август 2017 (МИА) - Француската полиција во Марсеј уапси едно лице поврзано со Хаму Бенлатреш, кој на 9 август во парискиот регион со автомобил нападна патрола од шест војници, јави дописникот на МИА од Париз.
Уапсениот е осомничен дека му давал логиситчка поддршка на Бенлатреш при нападот во париското предградие Левалоа Пере. Тој е сопственик на станот кој напаѓачот го изнајмил во Безон.
Бенлатреш се уште се наоѓа во болница, откако беше ранет при неговото апсење на автопатот А16 во Па де Кале и досега не е сослушан од страна на истражните органи.
Апсењето во Марсеј се случи во рамките на истрагата што ја водат судската полиција и контраразузнувачката служба, со цел подобро да се осознае профилот на напаѓачот, како и дали имал поддршка од трети лица.
Се до нападот Бенлатреш не им бил познат на антитерористичките служни како потенцијален изврштел на напади.