Фон дер Лајен: Германија нема да биде меѓу првите земји кои ќе го зголемат военото присуство во Авганистан

Берлин, 22 август 2017 (МИА) - Германија нема веднаш да испрати повеќе војска во Авганистан, како што беше побарано од страна на американскиот претседател Доналд Трамп, бидејќи минатата година таа го зголеми своето присуство, додека другите земји го намалија, нагласи германската министерка за одбрана, Урсула фон дер Лајен.
Урсула фон дер Лајен го поздрави ветувањето на Трамп за продолжување на американската мисија во Авганистан, но јасно даде до знаење дека Германија нема да биде меѓу првите земји што ќе испратат повеќе војска.
- Минатата година ние го зголемивме контингентот за 18 отсто, додаде другите го намалуваа, истакна германската министерка за одбрана.
„Ние не се гледаме меѓу првите од кои треба да бидат побарани војници“, додаде таа.
За време на минатогодишната претседателска кампања во САД, Трамп вети брзо повлекување од Авганистан.
Трамп вчера, сепак, го смени планот и вети зајакнување на воената кампања против талибанските бунтовници.
- Нашите војници ќе се борат за победа, потенцираше Трамп.