Над 1.500 полицајци ќе бидат ангажирани за безбедноста во Берлин в недела кога ќе се одржат парламентарните избори, но и кога се одржува годишниот маратон.
Засега нема информации за каква и да е закана за маратонот и за 1.779 избирачки места во главниот град.
Заради маратонот пристапот до 30 гласачки места ќе биде отежнат. Околу 440.000 гласачи веќе се информирани за тоа преку писмо. Изборите завршуваат во 18 часот по локално време.
Локални медиуми анализираат дека избирачката активност ќе биде над 72 отсто.
Според најнова анкета на телевизијата Це-Де-Еф конзервативниот блок на Ангела Меркел ќе добие 36 отсто гласови на изборите, германската СДП 21,5 отсто, Алтернатива за Германија – 11 отсто. Слободните демократи ќе добијат 10 отсто, Левите 8,5 отсто и Зелените осум отсто, се нагласува во анкетата.