Мразокршачот „Сибир“ ќе пробива мраз долж северниот морски патСанкт Петерсбург, 23 септември 2017 (МИА) - Русија денеска во Санкт Петерсбург го нурна мразокршачот „Сибир“, кој ќе превезува стока и ќе крши мраз долж северниот морски пат, со што ќе биде скратен патот меѓу Европа и Азија. Станува збор за едно од трите пловила од Проектот 22220, кои се најголеми и најмоќни нуклеарни мразокршачи, пренесува Танјуг. Русија е единствена земја во светот која произведува нуклеарни мразокршачи. „Сибир“ е долг 173,3 метри, широк 34 метри, а со него ќе управува екипаж од 75 лица. Тие ќе пробиваат мраз со дебелина до три метри. Северниот морски пат ја скратува должината на патот меѓу Европа и Азија за 12 до 15 денови. Преку лето овој пат е прооден, но во зима е потребно разбивање на мразот.
|