Чад во зградата на Европскиот совет ги алармираше белгиските служби во БриселБрисел, 18 октомври 2017 (МИА) - Зградата „Европа“ каде се одржуваат Самитите на Европскито совет во Брисел, беше во чад утринава, на еден ден пред одржувањето на утрешниот Самит на Советот, јави дописникот на МИА од Брисел. Голем број полициски и пожарникарски возила од Белгија се најдоа пред домот на Европската унија, кој беше пуштен во употреба годинава и неговата изградба чинеше стотици милиони евра, Според Евросоветот, имало проблем со инсталацијата во кујната во зградата „Европа“, што предизвикало чад.
Во соопштение, исто така се вели дека е одлучено да се спроведе превентивна евакуација на персоналот кој работи во зградата „Европа“ Истрагата за изворот на проблемот е во тек. - Овој инцидент нема да го спречи одржувањето на самитот на Европскиот совет, што почнува утре, а ќе заврши в петок, се вели на крајот на соопштението на ЕС.
|