Најавена средба НАТО-РусијаБрисел, 20 октомври 2017 (МИА) - НАТО денеска најави дека следната недела ќе одржи средба со Русија на ниво на амбасадори, демантирајќи ги тврдењата за прекин на односите со Москва поради руските воени маневри „Запад 2017“. Двете страни не одржале состанок на ниво на Советот НАТО - Русија од средината на јули. Генералниот секретар на НАТО, Јенс Столтенберг најави дека средбата ќе се одржи во седиштето на Алијансата, а темите на разговор ќе ги вклучуваат безбедносните прашања во Авганистан, Украина и обезбедувањето на идните воени вежби. Ова последно прашање е особено важно за двете страни, имајќи предвид дека НАТО распореди околу 4.000 војници во Полска и трите балтички држави, по што Русија ги организираше масовните воени вежби „Запад 2017“.
|