Германскиот претседател Франк Валтер Штајнмаер изјави денеска дека во овој момент тој не е подготвен да закаже предвремени избори, јави ДПА.
Штајнмаер рече дека ќе има разговори со конзервативците на Ангела Меркел, Слободните демократи и со Зелените, кои не успеаја да се договорат за формирање владина коалиција.
Тој нагласи дека не е можно „едноставно да се вратиме кон гласачот“.
- Очекувам секој да има волја за разговори со цел да се формира влада. Сите партии во Германија имаат одговорност да се обидат да состават влада во блиска иднина, нагласи Штајнмаер.
Тој ја оквалификува ситуацијата во Германија како – без преседан.