Во Белгија од денеска периодот за притвор се зголемува до 48 часа. Оваа одлука е поврзана со мерките за борба против тероризмот, јави БТА
Во тој период, осомничените остануваат „на располагање“ на властите, без мерката да биде предмет на одобрување од судија.
Според локалните медиуми, првичните намери на Владата биле периодот на притворот без судска одлука да изнесува 72 часа, но тој предлог бил оспорен од судиите.
Досега осомничените можеа да останат во притвор, без да се произнесе судија, до 24 часа.
Промените стапуваат на сила со промена на белгискиот Устав.