Мартин Шулц, претседател на Социјалдемократската партија на Германија, денеска повика на поблиска интеграција во Европската унија со цел да се создаде „Соединети европски држави“ до 2025 година, јави ДПА.
Пред конгресот на неговата партија, тој рече дека сака ЕУ да започне со работа на новиот уставен договор, што ќе овозможи создавање на федерална Европа со единствена политика во областите како внатрешна и надворешна безбедност, даноците и монетарни прашања, меѓународен развој и доделување азил.
Според него, земјите кои не сакаат федерализација треба да останат надвор од Унијата.
Во својот говор, Шулц оцени дека Полска системски ги поткопува европските вредности и оти ЕУ не е во состојба да направи нешто, а Унгарија исто така се оддалечува се повеќе и повеќе од Унијата, вклучително и преку големите зделки со Кина.
Тој, исто така,побара од своите партнери дозвола да започе преговори со конзервативците на канцеларката Ангела Меркел за формирање широка коалиција.