Од Дуждовата палата во Венеција се украдени скапоцености во вредност од неколку милиони евра, соопшти италијанската полиција.
Полицијата смета дека најмалку двајца крадци влегле на изложбата со скапоцености и артефакти, кои биле во сопственост на катарскиот шеик Хамад бин Абдулах ал Тани.
Потоа, додека еден чувал стража, другиот ја отворил витрината и украл обетки и златен брош.
Полицијата исто така оценува дека двајцата крадци се дел од поголема група.
- Секако имаме работа со професионалци, кои успеале да избегаат со накитот и покрај тоа што во зградата е поставен напреден систем, наведе комесарот на полицијата во Венеција, Вито Галјарди.
Тој посочи дека накитот е вреден неколку милиони евра.