Генералниот секретар на НАТО, Јенс Столтенберг денеска ја повика Русија да соработува за случајот во врска со труењето на поранешниот руски двоен шпион Сергеј Скрипал, порачувајќи дека Алијансата не сака нова Студена војна.
- Во однос на Русија располагаме со она што јас го нарекувам „двостран приод“. Од една страна разубедување и заштита, а од друга страна - дијалог, затоа што не сакаме нова Студена војна, не сакаме нова трака во вооружувањето, изјави Столтенберг за Би-Би-Си.
- Русија е наш сосед и ние треба да продолжиме да се обидуваме да ги подобриме нашите односи со Русија, нагласи првиот човек на НАТО, додавајќи дека „изолирањето на Русија не е алтернатива“.
Според него, Русија во одреден момент ќе сфати дека е во нејзин интерес да соработува со Алијансата и да не оди кон конфронтација.
- Ние сме подготвени да го направиме тоа ако Русите почитуваат одредени норми и основни правила на меѓународните односи, рече Столтенберг.