Италија се уште не е западната во политичка криза и нејзините лидери ќе најдат излез од сегашната состојба, изјави денеска претседателот на Европската комисија, Жан-Клод Јункер во врска со ситуацијата по италијанските парламентарни избори одржани на почетокот на месецов.
Јункер нагласи дека е уверен оти италијанските политички партии ќе најдат решение за формирање нов владин кабинет по изборите, на кои ниту една партија или коалиција не освои доволно пратеници за самостојно формирање влада, а во исто време има малку опции за создавање стабилно парламентарно мнозинство.
- Италија е Италија. Тоа е стара демократија и верувам дека ќе најдат решение. Тоа се уште не криза, оцени Јункер пред почетокот на самитот на ЕУ во Брисел.