Италија: Поради Легионерската болест, 400 луѓе добија пневмонијаРим, 18 септември 2018 (МИА) – Официјални лица во северна Италија потврдија денеска дека комерцијални разладни објекти за вода се извор на Легионерска болест од која 400 луѓе завршија во болници со воспаление на белите дробови, а две лица ги загубија животите.
Од 10 тестови на примероци од три постројки во три најмногу погодени градови, девет биле позитивни на бактеријата Легионела.
Шефот на ломбардиската социјална служба Џулио Галера најави програма за чистење.
Вкупно 405 луѓе се хоспитализирани со воспаление на белите дробови од почетокот на појавата на болеста во почетокот на месецот, а 42 се позитивни на Легионерската болест.
|