Киев, 19 септември 2018 (МИА) - Окружниот совет на Лавов наложи да се забрани јавно користење на „руски културни производи“ во регионот, јавува телевизијата ЗИК.
- Да се стави мораториум до моментот на прекин на окупацијата на територијата на Украина, се наведува во соопштението на законодавниот орган на власт.
Одлуката ја поддржаа 57 пратеници, додека 43 беа против.
Пратениците планираат да го прошират законот на целата територија на Украина. Меѓу другото, тие сакаат да им се обратат на своите колеги од Врховната Рада со предлогот за забрана за јавна употреба на „аудио-визуелни производи" на руски јазик, јавува телевизијата.
Претходно, претседателот на Украина Петро Порошенко потпиша наредба за прекинување на Договорот за пријателство, соработка и партнерство со Русија.