Италијанската влада доби доверба во Долниот дом на парламентот
Рим, 14 мај (МИА) - Новоизбраната влада на премиерот Силвио Берлускони денеска доби доверба од Долниот дом на парламентот, пренесува Тајнуг.
Пратениците на Долниот, пратенички, дом гласаа со 335 гласови „за“ и 275 „против“, додека еден пратеник беше воздржан.
Берлускони ја ужива довербата од мнозинството во парламентот по триумфот на десниот центар на изборите и очекува дека ќе ја добие довербата и од Горниот дом , сенатот, чие гласање е закажано за утре.
Ова е нормална процедура предвидена со италијанскиот Устав. Иако владата е инаугурирана и даде заклетва, двата дома на парламентот мораат да се изјаснат за неа, потсетува агенцијата.
|