|
 |
Вести / Европа
|
|
Поранешен командант на ЕТА осуден на 15 години затвор
Париз, 15 мај (МИА) - Судот во Париз го осуди синоќа поранешниот воен командант на ЕТА Хуан Ибон Фернандез Иради наречен Суспер на 15 години затвор, само три месеци откако во Франција му е изречена и казна од 30 години затвор.
Казни од пет до 12 години затвор изречени се вчера и на уште четворица други членови на таа баскиска сепаратистичка организација, исто така обвинети за тероризам.
Триесет и шестгодишниот Суспер во февруари доби 30 години затвор затоа што во 2001 година пукал врз полицајци на југозападот на Франција. Тој е уапсен во Франција во декември 2002 година, но успеал да побегне од полициската станица, по што повторно е уапсен во декември 2003 година.
Истражниот судија појасни дека атентатите се начин на кој оперира ЕТА, на која и се припишуваат 822 убиства во 40-годишната борба против шпанската држава, а дека Суспер бил во центарот на терористичката мрежа.
Обвинителството бараше казна од 20 години за главниот обвинет и пет до 15 години за неговите соучесници.
ЕТА се бори за независност на северната шпанска покраина Баскија и јужните делови на Франција. Европската унија и САД ја сметаат ЕТА за терористичка организација.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|