|
 |
Вести / Европа
|
|
Ангела Меркел во Бразил ќе склучи договори за финансиска и енергетска соработка
Бразилија, 14 мај (МИА) - Германската канцеларка Ангела Меркел денеска пристигна во официјална посета на Бразил, каде со својот домаќин, претседателот на Бразил Луис Инасиу Лула да Силва ќе ги разгледа двостраните односи и ќе потпише договори за финансиска и енергетска соработка, пренесе Франс прес.
На средбата Меркел и Да Силва ќе разговараат за бразилската програма за биогорива, преговорите од самитот во Доха за либерализација на светската трговија, реформата во Советот зз безбедност на ОН, како и климатските промени, посочува бразилското министерствто за надворешни работи.
По средбата ќе бидат потпишани договорите за соработка во обновливите енергетски извори и биогоривата.
Канцеларката Меркел ќе отпатува и во Сао Паоло, за да се сретне со бразислките претприемачи и да ја посети фабриката за автомобили на концернот „Фолксваген“.
По Бразил Меркел ќе отпатува во Лима, каде ќе учествува на самитот ЕУ-Латинска Америка.
Германија е главниот европски трговски партнер на Бразил, а Бразил е основниот јужноамерикански увозник на германски стоки. Во 2007 година трговскиот обем меѓу двете земји достигна рекордни 16 милијарди долари, забележаа агенциите.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|