|
 |
Вести / Европа
Во Норвешка расте отпорот против ЕУ
 Осло, 15 мај (МИА) - Бројот на Норвежаните кои го поддржуваат стапувањето на својата земја во ЕУ постојано опаѓа, а според најновото испитување на јавното мислење околу 60 проценти од граѓаните на Норвешка се изјасниле против зачленувањето на нивната земја во ЕУ, јави норвшката новинска агенција НТБ.
Резултатите покажуваат и досега рекордно висок отпор меѓу Норвежаните, при што се посочува дека мнозинството противници на ЕУ не би било загрозено при референдумско изјаснување дури доколку и сите несигурни избирачи би се решиле да гласаат за ЕУ. Приврзаниците на ЕУ во Норвешка сега се надеваат на Исланд, каде што јавното мислење околу ЕУ почнува да се менува во позитивна насока. Доколку Исланд се зачлени во ЕУ тогаш тоа би можело да ги принуди Норвежаните да ги преиспитаат своите ставови околу европските интеграциски процеси.
- Скепсата на Норвежаните е последица на истата несигурност кон ЕУ-проектот која се насетува во повеќе европски земји, изјави за НТБ Хеминг Олаусен, претседател на организацијата ”Не за ЕУ”.
Енормните приходи од експлоатацијата на нафта им овозможуваат на Норвежаните слобода во определувањето. Според Олаусон, не треба да се очекува дека Норвешка во догледна иднина ќе побара зачленување во ЕУ.
Како што јави дописникот на МИА од Гетеборг, надежите сега се насочуваат кон Исланѓаните. Норевешкиот дневен весник „Афтен-постен“ пишува дека доколку Исланд се определи за ЕУ тогаш би се разводнил ЕЕС-договорот, чии носители се Норвешка и Исланд. Во тој контекст, во коментарот на ”Афтен-постен” се констатира дека исландска молба за членство во ЕУ, како и новата ЕУ-структура која произлегува од Лисабонскиот договор, би можеле да изнудат дебата околу ЕУ во Норвешка.
|
|
|
|
|
![]() |
 |
Пребарување
|
|
|
|
|
|
|
WEBmail |
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|