|
 |
Вести / Европа
Италијанскиот Сенат и изгласа доверба на новата влада на Берлускони
Рим, 15 мај (МИА) - Новоформираната италијанска влада на Силвио Берлускони денеска доби доверба и во Сенатот (горен дом на парламентот), пренесе Франс прес и додаде дека ова е последната етапа од утврдувањето на кабинетот по вчерашната доверба во Долниот дом на парламентот.
-Владата доби 173 гласа „за“ и 137 „против“, како и двајца воздржани, објави претседателот на сенатот Ренато Скифани.
Премиерот Берлускони денеска пред сенаторите настапи со помирителен тон кон опозицијата, со каков настапи и вчера пред пратениците, повикувајќи на заеднички напори за економско воздигнување на земјата.
-Ситуацијата пред нас е исклучително тешка. Не е добро додека бараме решение да го губиме времето во неплодни конфронтации, изјави Берлсукони во Сенатот, изразувајќи задоволство од „воспоставувањето нова клима“ во односите со опозицијата.
Берлускони располага со апсолутно мнозинство во парламентот по победата на десницата на парламентарните избори од 13 и 14 април. Неговата коалиција има 344 од 630 места во Долниот дом и 174 од 315 места во сенатот, забележува АФП.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|