|
 |
Вести / Европа
Исламскиот тероризам е најголема опасност за Германија
Берлин, 15 мај (МИА) - Исламскиот тероризам и натаму е најголема опасност за безбедноста на Германија, изјави денеска сојузниот министер за внатрешни работи Волфганг Шојбле, која нагласи дека Германија на овие „ непроменети високи закани“ мора да се спротивстави со сите сили на правната држава.
-До напад, меѓутоа, не дојде благодарение на добрата работа на резузнувачките служби, рече Шојбле на промоцијата на извештајот за работата на Сојзуната служба за заштита на германскиот устав.
Во извештајот се наведува дека бројот на политички мотивираните кривични дела минатата година опадна во споредба со 2006 година, но дека бројот на граѓаните кои се сметаат за неонацисти нарасна за околу 200 и сега изнесува приближно 4.500 лица.
Шојбле, по повод засилувањето на левиот екстремизам, најави дека Сојузната служба за заштита на уставот и натаму ќе ја следи левицата. Станува збор за партија настаната со спојувањето на наследниците на поранешните источногермански комунисти и ВАСГ партијата, кои ја основаа незадоволните социјалдемократи на чело со Оскар Лафонтен, а кои денеска , по либералите, се втората по силина опозициска партија во Бундестагот (долниот дом на парламентот).
Претседателот на Службата за заштита на уставот Хајнц Фром предупреди дека германското стопанство е под растечки обем на шпионирање.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|