Вести / Европа
Зголемен стопански раст и намалена инфлација во евро зоната
Брисел, 15 мај (МИА) - Стопанскиот раст во земјите на зоната на еврото во првиот квартал од годинава е зголемен за 0,7 отсто во споредба со последното тримесечје во 2007 година, додека инфлацијата во април на годишно ниво е намалена на 3,3 отсто, соопшти денеска статистичката агенција на ЕУ, Евростат.
Стапката на стопански раст од 0,7 отсто е за 0,2 процентни поени повисока од предвидувањата на економистите. Ваквиот раст на ниво на евро зоната пред се се должи на заселениот стопански раст во Германија, која е водечка еконосмка сила во Унијата.
Во првите три месеци од годината економскиот раст во Германија изнесувал 1,5 отсто, што претставува значитечно повисока стапка од очекувањето на експертите.
Според амалитичарите, ваквата стапка на раст ќе и овозможи на Европската центрачна банка (ЕЦБ) и натаму да го одржува нивото на основната каматна стапка на високи четири отсто, со цел да го спречи инфлаторниот притисок.
Ваквата мерка на ЕЦБ веќе ги покажува првите реултати, па така минатиот месец стапката на инфлација во евро зоната на годишно ниво се намали на 3,3 проценти од мартовските 3,6 отсто.
На ниво пак на цела ЕУ априлската стапка на инфалција изнесувала 3,6 отсто, што исто така е пониска споредбено со март.
Најниска стапка на инфлација во април има Холандија од 1,7 отсто, а по неа следуваат Португалија со 2,5 и Германија со 2,6 проценти на годишно ниво.
Од друга страна, нависока инфалција на годишно ниво има Летонија со 17,4 отсто, пред Бугарија со 13,4 и Литванија со 11,9 проценти.
Според Евростат, во текот на април во зоната на еврото е регистриран раст на цените на прехранбемите производи за шест отсто, сметано на годишно ниво, додека недвижностите и транспортните услуги поскапеле за 4,8 проценти.
Најголемо влијание на стапката на инфлација имало зголемувањето на цените на нафтата и на другите енергенси, но и на млечните производи, лебот и житариците, наведува Евростат.
Европската комисија побара од земјите-членки на Унијата да го запрат натамошниот раст на инфлацијата со спрелување на зголемувањето на платите кое не е разултат на подобрена продуктивност.
На средбата на министрите за финансии на ЕУ на почетокот на неделава беше заклучено дека инфлацијата е „главен проблем“ за економската стабилност на Унијата и беа разгледани повеќе мерки за спречување на натамошен раст на цените.
|
|