|
 |
Вести / Европа
|
|
Началникот на рускиот Генералштаб бара од НАТО да престане со вооружување на Грузија
Брисел, 16 мај (МИА) - Началникот на Генералштабот на вооружените сили на Русија генерал Јури Балујевски изјави вчера во Брисел дека земјите-членки на НАТО треба да престанат да ја снабдуваат Грузија со оружје, бидејќи тоа создава опасна нестабилност во јужен Кавказ.
- НАТО треба да преземе мерки за да ја спречи испораката на пратките со оружје во овој регион, изјави генералот Балујевски на состанокот со неговите колеги од Алијансата.
Рускиот генерал поконкретно говореше за Турција, Чешка, Бугарија и САД, земји кои ја снабдуваат Грузија со оружје.
Балујевски исто така застана во одбрана на одлуката на официјална Москва во отцепената грузиска областа Абхазија да испрати дополнителни руски сили во насока на одржување на мирот, нагласувајќи оти не се прекршени основните принципи на хуманост и оти руските мировници се заслужни за релативниот мир кој владее во регионот.
Абхазија од почетокот на 1990 ја почна борбата за отцепување и не ја признава власта на Грузија, а Русија во таа област има свои единици од 1994 година.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|