|
 |
Вести / Европа
Австриските власти уверуваат дека нема опасност од атентати за време на одржувањето на Европското фудбалско првенство
Виена, 15 мај (МИА) - Ништо во моментов не дава основа за да се каже дека постои опасност од атентати во Австрија и Швајцарија за време на престојното Европско фудбалско првенство, што идниот месец ќе се одржи во двете држави, увери денеска портпаролот на австриското Министерство за внатрешни работи, Рудолф Голија.
Таквата изјава на Голија доаѓа по тврдењата што за швајцарскиот весник „Либерте“ ги изнесе Јорг Булер од Одделот за анализа и превенција на швајцарската федерална полиција, кој истакна дека терористичката мрежа Ал Каеда се заканува дека ќе изврши напади за време на Еуро 2008.
Голија појасни дека австриската и швајцарската полиција одржуваат постојани контакти и тесно соработуваат за да ја гарантираат безбедноста на Европското првенство, што ќе се одржува во двете земји од 7 до 29 јуни.
Тој оцени дека статијата во весникот „Либерте“ се „лошо или преувеличено толкување“ на изјавите на интервјуираните швајцарски полициски службеници.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|