|
 |
|
Вести / Европа
|
|
Лавров: Грузија се обидува да ги интернационализира конфликтите во Јужна Осетија и Абхазија
Москва, 16 мај (МИА) - Обидот на Грузија да ги интернационализира конфликтите во Јужна Осетија и Абхазија претставува само пропаганда, бидејќи Тбилиси не е заинтересиран за нивно решавање, изјави денеска рускиот министер за надворешни работи Сергеј Лавров во Екатеринбург, по средбата со шефовите на дипломатиите на Бразил, Кина и Индија.
Во меѓувреме руското Министерство за надворешни работи лифреуваше соопштение во кое резолуција на Генералното собрание на ОН за положбата на интерно раселените лица и за бегалците од Абхазија се оценува како „контрапродуктивна и политички мотивирана“.
Во соопштението се наведува дека резолуцијата дополнително ќе го усложни решавањето на грузиско-абхазискиот конфликт, при што се нагласува дека за неа гласаа 14 делегации, а 11 беа против (меѓу кои и Русија), додека 105 беа воздржани, што според Москва, покажува дека меѓународната заедница не ги поддржала „маневрите на Грузија за тоа прашање“.
Според Лавров, резолуцијата е обид на Грузија да го интернационализира јужноосетискиот и абхазискиот конфликт и тоа јасно говори дека Тбилиси не е заинтересиран за реално решение, што би се базирало на рамнотежа на интересите и на почитување на малите народи на Абхазија и Јужна Осетија.
Шефот на руската дипломатија нагласи дека Грузија формира паралелни институции во Јужна Осетија и Абхазија и додаде дека Тбилиси не може да воспостави дијалог со властите во овие две непризнати републики.
|
|
|
|
|
|
|
|
 |
Фото експрес
|
|
|
|
|
|
|
|
 |
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|