|
 |
Вести / Европа
|
|
Шпанската и француската полиција трагаат по фабрика за автомобили-бомби на ЕТА
Мадрид, 16 мај (МИА) - Шпанската и француската полиција трагаат по фабрика за автомобили-бомби на баскиската сепаратистичка организација ЕТА, во јужна Франција, два дена откако во експлозија на автомобил-бомба во Баскија е убиен еден полицаец, јавија денеска шпанските медиуми.
Во експлозијата пред касарната на цивилната гарда убиен е полицаецот Хуан Мануел Пинјуел, а уште четири други се ранети. Комбето со кое е извршен нападот е украдено минатиот месец во францускиот град Лимож.
Шпанската полиција се сомнева дека ЕТА во Франција повторно гради инфрастуктура за производство на експлозиви, откако во септември минатата година една работилница за производство на бомби беше уништена, а нивиот експерт уапсен.
Според шпанскиот весник „Вангардија“, кој се повикува на полициски извори, активистите на баскиската сепаратистичка организација, стационирани во Франција, конструирале автомобил-бомба, во кој биле сместени повеќе од сто килограми експлозив и го префрлиле возилото преку шпанската граница.
За време на четиридецениските напади на припадниците на ЕТА, кои се залагаат за создавање на баскиска држава на северот на Шпанија, убиени се околу 830 лица.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|