|
 |
|
Вести / Европа
|
|
Чешкиот шеф на дипломатијата најми детективи да ги испитаат сметките на вицепремиерот во оставка
Прага, 16 мај (МИА) - Чешкиот министер за надворешни работи Карел Шварценберг изнајми американска финансиска детективска агенција за да ги провери сметките на вицепремиерот Јиржи Чунек, кој поради соменение за корупција поднесе оставка на функцијата, соопшти денеска Министерството за надворешни работи, цитирано од Франс прес.
Агенцијата „Крол“ е најмена во согласност со официјалниот договор меѓу Шварценберг и Чунек. Проверката е претходен услов за останување на вицепремиерската позиција, од која Чунек е остранет пред пет месеци зарадио сомневања за корупција.
Портпаролката на чешката дипломатија Зузана Оплеталова прецизира дека америакнската детективска агенција веќе ги почнала проверките, кои можат да потраат шест недели.
Кога се појавија сомневањата за корупција против Чунек, тој веднаш поднесе оставка, а Шварценберг се закани дека ќе ја нашпушти владата доколку вицепремиерот биде вратен на функцијата. Шефот на дипломатијата сепак се согласи, како последно попуштање, да се согласи со останување на функцијата доколку се дозволи независна ревизија на сметките на поранешниот колега.
Иако судската истрага покажа дека на сметките Чунек има неколку милиони круни, чие потекло не може да се утврди, таа беше прекината поради недостиг од докази. Скандалот, што предизвика сериозен медиумски интерес, минатата недела доби на интензитет откако обвинтелот, работејќи на случајот, изјави дека бил изложен на притисок од страна на судската власт.
Јиржи Чунек не е првиот познат клиент на агенцијата „Крол“. Американските финансиски детективи ги проверуваа сметките и на Садам Хусеин, на поранешниот бразилски претседател Фернанду Колор ди Мело и на починатиот филипински диктатор Фердинанд Маркос.
|
|
|
|
|
|
|
|
 |
Фото експрес
|
|
|
|
|
|
|
|
 |
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|