|
 |
Вести / Европа
|
|
Претседателот на Чешка Вацлав Клаус се надева Сенатот или Уставниот суд да го блокираат ратификувањето на Лисабонскиот договор
Прага, 3 јули (МИА) - Чешкиот претседател Вацлав Клаус во интервју за весникот „Лидове новини“ изјави дека се надева Уставниот суд или горниот дом на парламентот да го блокираат ратификувањето на Лисабонскиот договор.
Евроскептичниот чешки претседател во интервјуто одбива да посочи дали ќе го потпише документот по неговото ратифукување во парламентот. Тој меѓутоа ја поздравува одлуката на својот полски колега Лех Качински, кој изјави дека нема да го потпише законот за ратификување на Договорот од Лисабон бидејќи тој веќе е отфрлен од ирските избирачи, на референдумот што се оддржа минатиот месец.
-Се надевам ратификувањето на Договорот од Лисабон во Чешка да биде спречено од Уставниот суд или од Сенатот, изјави Клаус.
Целта на договорот е да ги модернизира институциите на ЕУ по приклучувањето на земјите од Централна и Источна Европа. Клаус се противи на документот бидејќи според него тој го ограничува влијанието на одделните држави при донесувањето на одлуките.
Договорот за да влезе во сила мора да биде ратификуван од сите 27 земји членки на Унијата. Неколку држави, на чело со Франција, настојуваат европските земји и покрај ирското „не“ да продолжат со ратификацијата. Меѓутоа, процесот на ратификација во Чешка не може да продолжи се додека Уставниот суд не се произнесе за неговата сообнразност со чешкото законодавство. Се очекува тоа да се случи во текот на есента.
Лисабонскиот договор за да биде усвоен треба да биде прифатен од три петини од пратенциите во двата дома во чешкиот парламент.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|