|
 |
Вести / Европа
ОБСЕ изрази „сериозна загриженост“ поради најновите тензии во Јужна Осетија
Хелсинки, 4 јули (МИА) - Организацијата за безбедност и соработка во Европа (ОБСЕ) денеска изрази „серизона загриженост“ поради зголемувањето на насилствата во грузискиот сепаратистички регино Јужна Осетија и ги повика двете страни на смирување на страстите.
- Длабоко сме загрижени поради последната серија на инциденти во кои се загубени и човечки животи и се предизвикани сериозни штети во грузиските кризни подрачја, изјави финскиот министер за надворешни работи и актуелен претседавач со ОБСЕ, Александар Стуб.
Тој ги повика „сите страни“ да ги преземат неопходните чекори за обнова на дијалогот и за враќање на меѓусебната доверба.
- ОБСЕ продолжува внимателно да ја следи состојбата и е пдоготвена да им помогне на страните да ги намалат тензиите, порача Стуб.
Рекацијата на Стуб уследи по последниот инцидет од изминатата ноќ, во кој загина едно лице, а девет други се ранети при минофрлачки напади на грузиските сили врз главниот град на самопрогласената република Јужна Осетија, Цхинвали.
Според сепаратистичките власти на Јужна Осетија, кои ја зголемија борбена готовност на своите сили и прогласија општа мобилизација, грузиските сили неколку часа стрелале врз Цхинвали и врз неколку села во неговата околина.
Претставник на грузската Армија ги потврди нападите, додавајќи дека припадниците на вооружените сили на Грузија само возвратиле на огнот, откако претходно врз нив било стрелано од страна на сепаратистичките војници.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|