|
 |
Вести / Европа
На европските банки им недостасуваат меѓу 60 и 90 милијарди евра
Лондон, 4 јули (МИА) - На европските банки им е потребно да обезбедат капитал во износ од 60 до 90 милијарди евра за да можат да го одржат сегашното ниво на финансиско работење во услови на криза на глобалниот пазар на кредити, соопшти денеска инвестициската куќа „Голдман Сач“.
Експертите на „Голдман Сач“ проценуваат дека главна причина за зголемената загриженост на банкарските инвеститори е намаленатa кредитна активност и притисоците на кои се изложени банките поради засилената контрола на нивното работење од страна на надзорните органи.
- Доколку надзорот на работата се заостри банкарскиот сектор би можел да се врати на нивото од почетокот на минатата деценија, се наведува во извештајот на „Голдман Сач“ и се додава дека во таков случај на европските банки ќе им биде потребен дополнителен капитал за да обезбедат стабилно работење.
Водечките европски деловни банки, како швајцарската УБС, француските „Париба“ и „Сосиете Женерал“ и британската „Ројал банк оф Скотланд“ (РБС), веќе соопштија дека во текот на оваа година работат со загуби во износ од десетици милијарди евра.
Пазарната вредност на акциите на најголемите банки, но и на голем број други финансиски организации во првите шест месеци од годината се значително намалени во однос на август 2007 година кога започна кризата со хипотекарните кредити во САД.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|