|
 |
Вести / Европа
|
|
Томас Миров ја презеде должноста претседател на ЕБОР
Лондон, 4 јули (МИА) - Германецот Томас Мироц денеска официјално ја презема должноста нов претседател на Европската банка за обнова и развој (ЕБОР), заменувајќи го Жан Лемијер, кој беше на чело на оваа финансиска институција во изминативе осум години.
Миров досега ја извршуваше функцијата државен секретар во германското Министерство за финансии, при што беше задолжен за утврдување на политиката на финансискиот пазар и за активностите на меѓународните финансиски институции и мултилатералните банки за развој.
На должноста претседател на ЕБОР Миров беше избран на Годишната конференција на Банката што се одржа на 18 и 19 мај во украинскиот главен град Киев.
По повид стапувањето на новата должност Миров изнесе пофалби за земјите во регионот во кој дејствува ЕБОР, за, како што рече, „извонредниот напредок што го оствариле“.
- Патот што стои пред нас нема да биде лесен. Треба да се направат уште многу работи. ЕБОР е подготвена и расположена да биде долгорочен партнер на овие земји во развојот на нивната пазарна економија, изјави Миров.
ЕБОР е формирана на почетокот на 90-тите години на минатиот век со задача да ја забрза транзицијата на поранешните комунистички држави од Источна Европа кон пазарното стопанство.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|