Тринаесет бегалци, од кои еден мртов, пронајдени на грчки ферибот во Венеција
Венеција, 4 јули (МИА) - Тринаесет бегалци, од кои еден мртов, а другите многу истоштени, денеска се откриени во одделението за багаж на грчки ферибот во италијанското пристаниште Венеција, пренесе БТА, повикувајќи се на ДПА.
Според полицијата во Венеција повеќето од бегалците се од Ирак и Авганистан. Неколкумина од нив биле најдени врзани под мотори на камиони, што фериботот ги превезувал.
Фериботот "Икар" е сопственост на фирмата „Минојски линии“ од островот Крит.
|