|
 |
Вести / Европа
Инцидент во нуклеарна централа во Франција
 Париз, 24 јули (МИА) - Околу 70 вработени во нуклеарната централа Трикастен, во југоисточна Франција вчера претрпеа полесно озрачување со радиоактивни честички, јавија француските медиуми.
Стотина вработени во нуклеарната централа се евакуирани, а кај приближно 70 од нив е утврдена блага радијација, соопштија претставници на француската електродистрибуција.
Директорот на нуклеарната централа Ален Пекре оцени дека овој инцидент „нема последици“.
Властите соопштија дека инцидентот е без последици по здравјето на луѓето и за животната средина, што предизвика остри реакции од страна на еколошките организации.
Спротивно на официјалните соопштенија според кои овие загадувања не се опасни еколошката организација „Да се стави крај на нуклеарното“ во соопштение потенцира дека во 1990 година „мошне официјалната Меѓународна комисија за радио-заштита призна дека секоја доза на зрачење со себе носи ризик од канцерогени и генетички заболувања“.
На почетокот на месецов околу 74 килограми течен ураниум истече од фабриката Сокатри, која работи во рамки на нуклеарната централа Трикастен.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|