|
 |
Вести / Европа
Владата и опозицијата во Шпанија постигнаа договор за борба со тероризмот
Мадрид, 23 јули (МИА) - Шпанскиот социјалистички премиер Хосе Луис Родригес Сапатеро и конзервативниот опозициски лидер Маријано Рахој денеска постигнаа договор за заедничата борба против тероризмот, ставајќи ги на страна долгогодишните префрлања и кавги околу баскиската сепаратистичка организација ЕТА, пренесува Танјуг.
-Борбата против тероризмот ќе се темели на принципите меѓу кои се единството на демократските партии, меѓународната соработка и поддршка на полициските сили, соопшти Сапатеро.
Баскиските градови ќе бидат должни да ги отстранат камените табли и другите изрази на почитување на сепаратистите, а планирани се и правни реформи, со кои ќе се гарантираат правата на жртвите, додаде шпанскиот премиер.
Договорот претставува нова станица во односите на двете партии, по острите несогласувања за антитерористичката политика во периодот 2004-2008 година, кога Народната партија на Рахој ја обвинуваше социјалистичката влада на Сапатеро за мек став кога станува збор за терористите, истакнаа агенциите.
Договорот меѓу Сапатеро и Рахој следи по вчерашната акција на шпанската полиција во која е откриена и разбиена една од најактивните терористички ќелии на ЕТА, а девет лица беа уапсени.
ЕТА се смета за виновна за смртта на повеќе од 820 лица во текот на четири децениската борба за независност на Баскија.
|
|
|
|
|
|
 |
Пребарување
|
|
|
|
|
|
|
WEBmail |
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|