|
 |
Вести / Европа
Русија ќе се спротивстави на американскиот противракетен штит со воени средства, тврди руски воен експерт
Москва, 25 јули (МИА) - Русија се подготвува да му се спротивстави на американскиот систем за противракетна одбрана во источна Европа со воени средства, во таа смисла и преку модификација на балистички ракети, изјави поранешниот началник на генерал-штабот на руските стратешки ракетни сили, Виктор Есин.
- Руската реакција на распоредување на елементи на противракетниот штит на САД во Европа може да вклучува и воведување на усовршена варијанта на руската стратешка ракета „Топол-М“, вооружена со високо маневрирачко хиперсонично борбено полнење, како и активирање на голем број радарски станици, кои десеткратно ќе ја намалат ефикасноста на протиракетниот штит, нагласи Есин.
Тој додаде дека руските воени сили разгледуваат широк спектар од мерки, со кои адекватно ќе се одговори на опасноста, создадена од американскиот противракетен штит.
Една од компонентите на руската реакција, според Есин, е истрелување на балистички ракети во земјината орбита, од каде би можеле да нанесат удар преку Јужниот Пол без да потпаднат во опсегот на американскиот систем.
Друга мерка предвидува распроедување на ракетни системи во руската енклава Калининград и ставање во воена готовност на бомбардерите Ту-22 М3.
Според Есин Москва ја разгледува можноста да се повлече од руско-американскиот договор за намалување на вооружувањето, според кој двете земји до 2012 година треба за половина да го намалат своето нуклеарно вооружување.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|