|
 |
Вести / Европа
ЕУ се подготвува да собира податоци за патниците во авионите по примерот на САД
Брисел, 25 јули (МИА) - Министрите за внатрешни работи на земјите-членки на Европската унија вчера постигнаа принципиелна согласност по примерот на САД да создадат систем за собирање податоци за патниците во авионите, кои сообраќаат на територијата на Унијата, изјави францускиот министер за внатрешни работи Мишел Алио Мари.
Таа истакна дека сега останува Владите на земјите од Унијата да одлучат дали ќе се собираат податоци само за странци кои со авион патуваат за Европа или тоа ќе се прави и за граѓаните на ЕУ, како и при летовите внатре самата Унија.
Еврокомесарот за правда и внатрешни работи Жак Баро истакна дека целта е ваквиот систем да се создаде до крајот на 2009 година.
Баро настојува секоја земја-членка да има сопствен систем за собирање на податоци за патниците, со што лицата осомничени за тероризам би се спречиле да влезат на територијата на ЕУ.
Американскиот систем содржи податоци, кои авиокомпаниите ги собираат за патниците (име, возраст, пол, адреса и податоци од кредитни картички), пред тие да влезат во САД. Од гледна точка на безбедноста системот овозможува да се изврши проверка на секој патник, пред да стапне на американска територија.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|