|
 |
Вести / Европа
Ирачкиот премиер Нури ал Малики примен од папата Бенедикт 16-ти
Рим, 25 јули (МИА) - Ирачкиот премиер Нури ал Малики денеска беше примен од папата Бенедикт 16-ти во неговата летна резиденција-замокот Гандолфо, во близина на Рим, соопштија агенциите.
Малики од Берлин пристигна во Рим вчера попладне. Тој се поклони на гробот на папата Јован Павле Втори, во криптата на базиликата „Свети Петар“, а синоќа разговараше со италијанскиот премиер Силвио Берлускони.
-Знаме дека Бенедикт Шеснаесетти ги става на срце настаните во Ирак. Средбата со него е една од главните причини за мојата посета на Италија, изјави Малики за италијанската агенција АНСА.
Малики го покани папата да го посети Ирак и истакна дека тоа би помогнало во процесот на помирување.
-Ја обновивме поканата кон Неговата светост да го посети Ирак. Тој ја поздрави поканата. Се надеваме дека и ќе не посети во најскоро време. Неговата посета ќе значи поддршка на напорите за постигнување љубов и мир во Ирак, изјави ирачкиот премиер по приватната аудиенција кај папата, пренесе Франс прес.
Малики додаде дека тој и папата ја разгледале ситуацијата со христијаните во Ирак. Премиерот ги повика тие што ја напуштија земјата по почетокот на војната во 2003 година да се вратат и да помогнат во нејзиното обвновување.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|