|
 |
Вести / Европа
„Дејли Телеграф“: Роман Абрамович се враќа во руската политика како локален советник во Чукотската Област
Лондон, 25 јули (МИА) - Рускиот милијардер Роман Абрамович, кој неколку години живее во Велика Британија главно ангажаиран како сопственик на лондонскиот фудбалски клуб „Челзи“, одлучи повторно да се врати во руската политика, само неколку недели по соопштението дека се повлекол од функцијата на која го имаше поставено поранешниот руски претседател Владимир Путин, пишува „Дејли Телеграф“.
Како што јави дописникот на МИА од Лондон, весникот вели дека бизнисменот Абрамович, кој живее во скапа резиденција во отмен лондонски крај, прифатил да биде локален советник во далечната руска област Чукотка, каде ќе треба да ги застапува интересите на околу 55 илјади тамошни жители, сите главно одгледувачи и чувари на стада ирваси.
До пред кусо време Абрамович беше гувернер на таа област, каде во зима температурата паѓа и до 60 степени Целзиусови под нулата, на функција која се смета дека не е ништо поголема од онаа на еден локален советник. Тој поднесе оставка на половината на својот втор мандат, што претседателот Дмитриј Медведев ја прифати, па се сметаше дека со тоа завршува неговото учество во руската политика. Абрамович во фондови за побрз развој на областа Чукотка има вложена стотици милиони фунти свои пари.
Од канцеларијата на Абрамовил, каде е потврдено неговото враќање во политиката, нема објаснување зошто по толку кусо време тој се предомисли и прифати една минорна локална политичка функција, која тешко е да се верува дека ќе мозе лично да ја извршува или да присуствува на седниците на локалната власт.
Според „Дејли Телеграф“, Роман Абрамович во дба наврати прифати да биде гуверер на Чукотка од Лондон, само за да ја докаже својата лојалност кон Кремљ во времето кога другите руски олигарси или беа во судир со властите во Москва.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|