|
 |
Вести / Европа
|
|
Грузиската армија го нападна Цхинвали, Јужна Осетија ја моли Русија за помош
Цхинвали, 8 август (МИА) - Грузиска војска се наоѓа на пет километри јужно од главниот град на сепаратистичката република Јужна Осетија, јави ИТАР-ТАСС.
- Врз позициите на сепаратистите во Јужна Осетија, во селото Тквернети извршен е напад од воздух со пет авиони Су-25, изјави командантот на силите за поддршка на мирот во зоната на грузиско-осетијскиот конфликт Марат Кулахметов.
Тој наведе дека Грузија фактички и објавила војна на Јужна Осетија.
Грузискиот заменик-министер за надворешни работи Григол Вашаѕе истакна дека тоа е измислица.
- Како може Грузија, која е суверена држава, да објави војна на сопствена територија, истакна Вашаѕе.
Според непотврдени информации и јужноосетијски воени авиони Су-25 ги нападнала грузиските позиции.
Државниот комитет за информација и медиуми на Јужна Осетија утрово соопшти дека се засилиле нападите врз главниот град Цхинвали и оти во градот и околината се водат жестоки борби.
- Народот на Јужна Осетија моли за помош од претседателот и раководството на Руската Федерација. Молат да бидат преземени успешни мерки за заштита на населението на Јужна Осетија, кои се граѓани на Руската Федерација и да направи се за да го запре масовното крвопролeвање, се наведува во соопштението на Комитетот.
Според неофицијални податоци досега загинале 15 луѓе.
Во соопштението на Комитетот исто така се наведува и дека кон Цхинвали се движи колона од грузиски тенкови i пешадија. Неколку згради во центарот на градот изгореле, меѓу кои и зградата на Парламентот.
Претседателот на Северна Осетија Тајмураз Мамсуров издал наредба да се подготват болниците во Владикавказ за преим на ранетите од Јужна ОСетија, како и да се подготвата кампови за бегалците. Во последните денови границата ја поминале приближно 10.000 луѓе. Мамсуров со медицинска екипа утрово заминал за Цхинвали.
ВО меѓувреме, членовите на Советот за безбедност на Обединетите нации се согласија со предлогот на Русија вечер да одржат седница на која ќе се разговара за состојбите во Јужна Осетија. Седницата на СБ при ОН треба да почне во 23 часот по локално време.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|