Руски воени конвој навлезе во Јужна Осетија (ДПЛ)
Москва, 8 август (МИА) - Руски воен конвој навлезе денеска во територијата на Јужна Осетија, јавија три главни руски новински агенции повикувајќи се на очевидци.
Нивните извештаи се дадени откако репортерот на АФП јави за околу педесетина тенкови, камиони и војници кои биле забележани на пат кон Јужна Осетија. Тие се движеле преку руската провинција Северна Осетија.
Грузискиот Национален совет за одбрана денеска предупреди дека Москва и Тбилиси ќе бидат во војна доколку извештаите за придвижување на руски тенкови и воени камиони и војници бидат точни.
- Доколку е точно дека руските трупи и воена опрема се на пат кон Грузија, тоа значи дека ние сме во состојба на војна со Русија, изјави Алексадер Ломаиа, секретар на Советот.
Предупредувањето беше дадено откако медиумите јавија за придвижување на руски тенкови, воени камиони и трупи биле забележани како се движат кон Јужна Осетија.
Грузиски владин претставник изјави дека седум цивили се повредени во воздушни напади врз неколку грузиски села кои ги извршиле руски воени авиони.
Заменик-министерот за внатрешни работи Ека Сгуладзе соопшти дека три руски воени авиони „Су-24“ денеска навлегле во Грузија и го бомбардирале градот Гори, како и селата Карели и Вариани.
На прес-конференција Сгуладзе истакна дека други четири руски воени авиони малку подоцна повторно го бомбардирале Гори, но оти при вториот воздушен напад не настрадал никој.
|