|
 |
Вести / Европа
Буш ја повика Русија да ја прекине воената операција во Грузија
 Вашингтон, 12 август (МИА) - Американскиот претседател Џорџ Буш ја повика Русија да ја прекине воената операција во Грузија и ги нарече акциите на Москва недозволена инвазија врз суверена држава.
- Русија нападна суверена соседна држава и и се закани на демократската Влада избрана од народот. Таквите акции се недозволиви во 21 век, изјави синоќа Буш по враќањето од Пекинг.
Тој додаде дека евентуалната „драматична и брутална ескалација“ на руската воена операција на грузиска територија може да биде закана за односите меѓу Русија и Западот.
- Загрижен сум од соопштенијата дека руски војски се движат надвор од зоната на конфликтот напаѓајќи го грузискиот град Гори и заканувајќи му се на грузискиот главен град Тбилиси. Постојат информации дека е можно руските сили наскоро да почнат со бомбардирање на цивилниот аеродром во Тбилиси. Ако тие информации се точни, таквите руски акции би претставувале драматична и брутална ескалација на конфликтот во Грузија, нагласи Буш.
Сооред него, продолжувањето на конфликтот во Јужна Осетија „е несоодветно со доказите дадени од Русија дека целите се за да се обнови статус кво ситуацијата“ која била пред да почнат борбите.
- Владата на Русија треба да го почитува територијалниот интегритет и сувреноста на Грузија... и да прифати договор за мир како прв чекор кон решавањето на конфликтот, повика Буш и додаде дека акциите на Русија оставија „сериозни прашања“ за нејзините намери спрема Грузија и Кавкаскиот регион.
Западни медиуми коментираат дека и покрај тврдиот тон на изјавата на Буш во неа не е содржана конкретна закана за какви било последици кон Русија ако таа не ги почитува предупредувањата.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|