|
 |
Вести / Европа
Русија не ја прифати нацрт-резолуцијата на Советот за безбедност изготвена од Франција
 Њујорк, 12 август (МИА) - Русија не ја прифати нацрт-резолуцијата на Советот за безбедност на ОН подготвена од Франција која повикува за неодложно примирје во Грузија.
Нацрт-документот беше претставен од Париз на синоќешната петта вонредна седница на Советот свикана од Грузија која тврди дека е објект на воен напад од страна на Русија.
По седницата што се одржа зад затворени врати, францускиот помошник амбасадор Жан Пјер Лакроа изјави дека документот се базира на планот од три точки на претседателот Никола Саркози објавен кон крајот на минатата недела.
Лакроа додаде дека нацрт-резолуцијата повикува за итен прекин на огнот во Грузија, повлекување на руските војски од Јужна Осетија, ненарушување на територијалниот интегритет на Грузија и пристап до хуманитарна помош за бегалците.
Според рускиот постојан претставник во ОН, Виталиј Чуркин францускиот проект има повеќе недоследности.
- За едногласно усвојување резолуцијата од СБ таа треба да биде принципиелно изменета, нагласи Чуркин. Тој смета дека во текстот не се прави оценка на „агресивните дејствија на грузиската страна кон Јужна Осетија“ и освен тоа нема доволно јасни формулации за хуманитарната катастрофа и за жртвите меѓу цивилното население.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|