Полска, Украина и Литванија бараат испраќање на мировна мисија на ЕУ во Грузија
Варшава, 11 август (МИА) - Полска, Украина и Литванија повикаа да биде испратена мировна мисија на ЕУ во сепаратистичките реони на Грузија, соопшти полски официјален претставник.
- Полскиот претседател Лех Качински вчера му достави план на францускиот колега Никола Саркози. Првата точка од планот е примирје и прекин на огнот, истакна соработникот на шефот на полската држава Пјотор Ковнацки.
Полскиот министер за надворешни работи Радослав Шикорски, исто така, ја поддржа мировната мисија на ЕУ во грузискиот регион.
- Полска се уште сака нормални односи со Русија, иако ја осудува Москва поради оружениот конфликт во сепаратистичките реони на Грузија, објасни шефот на полската дипломатија.
Според непотврдени информации, во септември се очекува рускиот министер за надворешни работи Сергеј Лавров да допатува во Полска и да се сретне со Шикорски, со цел да се разгледаат слабостите во полско-руските односи.
|